14 ottobre 2010

Totosindic

O sin tal ultin Autun prin dal 2011 e duncje l'ultin Autun prin de prossimis elezions aministrativis che te prossime Primevere a puartaran un gnûf sindic a Maian.
L'atuâl, simpri che no gambiedin (ipotesi avonde improbabil) la leç che e proibìs ai sindics dai comuns parsore di un ciert numar di abitants di presentâsi plui di 2 voltis di file, nol podarà tornâ a candidâsi.
Duncje e je ore di vierzi il "Totosindic", stant che inmò no si sint nuie di uficiâl.
No cjali di chê altre bande, no savarès cui pescjâ: Lieto Molinaro al à za corût plui di une volte cence risultât... isal il câs di tornâ a provâ? Boh, nol è un gno probleme.
Ma cjalant ca di ca, cui podaressial jessi?
Romano Ciani, vicesindic in cjarie, al à un bon curriculum aministratîf e no dome: esperience, ultins 5 agns in prime linie, personalitât, stimât e nol è nancje vecjo. Duncje un bon non par tacâ a resonâ, simpri che, prin di dut, al sedi lui a vê voie.
Dal sigûr il cuadri politic di cheste volte nol sarà come chel de volte passade: i ecuilibris internis a la maiorance a son un tic difarents rispiet a 5 agns indaûr.
E no stin a dismenteâ che la Leghe Nord, che za te ultime tornade e veve concuistât un ciert pês cun 3 conseîrs, ta chescj mês e sta passant un bon moment di consens a tancj nivei (ancje se e je stade cualchi sbrissade, e no feveli di Maian...).
Altris, vuê come vuê, cui podaressino jessi "papabii"?
Forsit saressial miôr cirî cualchi outsider?
Cemût viodaressiso une femine cu la fasse di sindic?
O cualchi candidât che al vedi mancul di 35 agns?
E dut câs, cuissà se si cjatarìn come la ultime volte cuntune corse a 4?...
Diviersis domandis... ma... cui vuelial provâ a rispuindi?

12 commenti:

thermonuke ha detto...

Oh, bentornaaat!
El lof trist ti aial dit di torna a pià el fuc? nomo?

Fas un doi noms visto che Lieto tu lu as gia copaat e Romano al somee el candidat unic :)

Magari, za che tu sees, domandi al prossim toto-sindic se puartangj i votos di che altre volte ti da un asesorat in gambio.....

Christian Romanini ha detto...

Mandi Thermo.
grazie, ma stâ trancuil: nissun mi à passât il furminant.

O cjapi at che tu dâs par scontade la mê ricandidature: grazie pe fiducie, ma mi somee adore...
Dut câs, se mi ves interessât il "marcjât des vacjis", o varès fat altris sieltis tai agns...

Pai nons: no ai copât nissun... ogni grup al è libar di proponi (o ri-proponi) cui che si riten miôr...

Cualchi non?
Mi ispirarès une soluzion che e viodedi sindic une femine. Cui? no sai... Ce disaressistu di cualchi senatôr mancjât? =)

mario ha detto...

e s'al fos un pensionàt....

thermonuke ha detto...

Orpo, ti ispiraresi une sindichesse!

Tu disis une senatrice mancjade parceche se ti scjampe di di une mestre el zio trist ti cjape a scufiots!

Le mestre però mi garbares...

In quant a chel che tu clamis el marcjat des vacjis sta sigur che si è (simpri) fat, il probleme però nol è se tu eris interessat ma se tu jeris invidat...
E mi risulte di no! (anzit) :)

Christian Romanini ha detto...

Mario, cun dut il rispiet, no je une idee che mi stice plui di tant... ancje se un che al è in pension al à il vantaç di vê forsit plui timp... ma no saressie ore di dâ une svolte gjenerazionâl a la politiche?

Christian Romanini ha detto...

thermo,
ce che o intint jo e je une altre robe: ce che o intindevi jo par "marcjât des vacjis" al chel di dî "o mi dais alc, o jo o voi di une altre bande"... jo chest no lu ai mai fat e no je la mê maniere di fâ...
Ma o soi cussient che al pues sucedi...

The Bourne ha detto...

Mandi,
si capis ce cal ha voe di sintisi di il bon Romanini, nome leint le tierc'ultime domande che si è fat:
"O cualchi candidât che al vedi mancul di 35 agns?"
:-)

Christian Romanini ha detto...

Mandi the Bourne,
jo no ai voie di sintîMI a dî nuie =)
come che i ai dit a thermo che al deve par scontade la mê ricandidature: al fâs plasê se cualchidun al dopre peraulis buinis par te, ma in chest câs la prioritât e je une altre...
No mi interesse di sintîMI a dî nuie.

thermonuke ha detto...

No tu mi disaras che dopo une legislature di iniziazion come asesor esterno, un altre come asesor "esonerat" tu as corut par otigni el tierc puest par votos in te cjase des libertats dibant.

Oh siiii, al dipent di sieltis difarentis ma no mi par tant lis toos. Ma forsite ti fas sinti mior fa fente che nol sedi cussi :D

Christian Romanini ha detto...

Usti thermo,
ce resonament complicât...
Ti dîs dome che pal moment mi limiti a fevelâ di totosindic. E no mi met tra i concorincj, ancje se cualchidun mal à za domandât.
Su la mê esperience, o pues dî che no je stade dibant.
O ai fat ce che o ai fat fint cuant che mal àn permetût. E cuant che mi àn fat fûr, dopo une buine incazadure, o ai cjapade une altre strade, dimostrant ce che o savevi fâ (ancje a pro de comunitât) in altris ambients, dulà che il gno lavôr al è stât preseât.
Nemo propheta in patria? boh, no le metarès cussì... semplicementri chest al è sucedût.
Mi soio pentît di ce che o ai fat? NANCJE UN TIC, COMPRINDÛT IL FAT DI NO VÊ ACETADE UNE IMPOSIZION CHE O RITIGNEVI INJUSTE. Ancje se dopo, chest gno ategjament mi à costât ce che mi à costât. Anzit, se mi ves di capitâ dut doman, lu tornarès a fâ cence nissun fastidi.
Ti sêstu mai domandât parcè che inmò no si sa ce che cualchidun al voleve publicâ sul boletin comunâl di dute la comunitât e il diretôr responsabil nol à volût publicâ parcè che lu à ritignût no adat par une testade istituzionâl?

venir mario ha detto...

io o disares che par me tu laresis ben ancje tu,ma tu no tu le pensis come le leghe e partant a le inutil che o fasi el toto sindic par te.Ameno che no tal programma che tu partaras a viodi ai cittadins no tu metis in prim'ordine les riformes che pratindin chei de leghe.Par sera le discors ,un sindic femine ben e straben ma cui!!!!!!!

tuesin ha detto...

Lant a tor ,in tes famees o ai sintùt a dì che a le un biel piès che no tu ti interesìs di majan.
E disin ancje che a lè un biel tòc che no tu ti fasisi viodi in municipi.
E disin ancje che nisun si è nacuart di ce che tu as dimostrat di savè fâ fur di majan(ancje a pro de comunitât), specie a farle.
Ma forsit No ti interesse di sintîti a dî nuie.