Realtât industriâl, pagjine 62

Realtât industriâl al è il periodic di Confindustrie di Udin. Sul numar di Novembar e jere une interviste al president regjonâl Calligaris che al fevelave di "Furlan vs Inglês" cuasi che a fossin robe di metile une cuintri di chê altre. Alore o ai cjapade "cjarte e pene" e o ai scrit une mail a Confindustrie che e à publicât sul numar di Dicembar la mê e altris protestis.
Par lâ a lei, fracait su chest link e lait a pagjine 62.

Simpri su chest argoment, us segnali ancje chescj 2 links:
Adriano Luci, su La Patrie di Novembar 2008
Franco Finco, su La Patrie di Otubar 2009
Arnalt Baracêt, su La Patrie di Novembar 2009
Franco Soldati, su La Patrie di Dicembar 2009

Bon Nadâl e che Diu us dei dal ben, par chest an e par chel cu ven

Preiere di Nadâl
Ven jù Signôr
dal to cîl di glorie,
ven a comedâ la nestre storie.

Ven jù Signôr
in cheste puare tiere,
là che a regnin
svindic, fam e vuere.

Ven jù Signôr
a sfantâ la pôre e il scûr,
a morestâ e a sclipî il nestri cûr.

Ven jù ancje vuê
come chê dì a Betlem,
ven a viodi dal puar
e di chel che al zem.

Ven jù in chest mont
simpri plui forest:
dome cu la tô gracie
si podarà meti in sest.

Ven jù Signôr
dal to biel cîl stelât,
ven a viodi dal mont
che al è malât.

Ven jù Signôr
a fânus il grant regâl
dal perdon e de pâs
come tal prin Nadâl.

pre Antoni Beline

Regâl dai R.esistence in dub: Free(ulian) music!

Latest tracks by resistenceindub

Floc di nêf

Figade!!! Vuê mi soi jevât e o ai dât un cuc fûr dal barcon: dut blanc e nêf che continue a vignî jù!
Alore o vevi pensât di meti ancje jo une biele foto cu la neveade, ma intant che o mateavi cun Feisbûc o ai brincade cheste foto di un "flocut di nêf batiât" juste domenie passade: ve chi Gioele, il gno superfigo nevodut intant che al smicje don Giuliano prime che i resenti il cjavut [pe cronache: al è stât bravin, Gioele al à molade dome une vuicade, ma o scoment che dopo cualchi zornade di fiere, plui di cualchidun al varès bruntulât par une lavade di cjâf cu la aghe frede =)...]
Bon, intant buine neveade a ducj e cumò o voi a balonâlu! =P

ps: e no stâit a dî "viôt li ce barbe, piês dal nevôt!"... parcè che e je vere! eheh!!!
pps: grazie a Ranieri pe foto!

Internet libar!

Us segnali doi intervents: un sul blog di Aldo Rossi (di pôc laureât cun tesi "Marketing in Marilenghe", compliments!!!) e un dal prof. Francesco Pira, docent a Relazions publichis a Gurize.
Une frase mi à plasût in particolâr tal articul dal prof. Pira: "E credo che molte persone, le stesse che criticano i social network , e una larga parte della classe politica del nostro paese non siano mai entrati effettivamente in un social network. Non sanno neanche come sia fatto".
O soi dacuardi al 100%: di fat, masse int spes su chescj argoments e fevele di bant, cence savê di ce che e fevele!
Internet al à di restâ libar!

Fracait chi par lei il post di Aldo e fracait chi par lei la interviste al prof. Pira.

Grazie Dreetôr

E je jessude la Patrie dal Friûl di Dicembar (www.lapatriedalfriul.org).
Jo no fâs tancj coments, ma mi sint di dî dome GRAZIE DI CÛR a Dree Venier par dut ce che mi à insegnât, no dome come gjornalist ma ancje dal pont di viste uman.

Alè Udin, in Internet ancje par furlan!

Finalmentri realtât! Lu vevi anunciât cun sodisfazion un mesut indaûr e cumò di cualchi dì si pues lei il gnûf sît dal Udin (http://www.udinese.it/) ancje par furlan.

Cheste biele gnove però e je un tic fuscade dai risultâts che pal moment a son propit jù...

Dut câs, Alè Udin e par cheste iniziative, che e somee vê grant sucès, tancj compliments!

(foto gjavade dal sît www.udinese.it)

La miôr

Gnognotg

11 di Dicembar dal 2009 de Provincie di Udin su Vimeo.

10 agns de Leç 489/99

La prossime setemane a colin i 10 agns de leç 482/99.
Pe ocasion la Universitât dal Friûl, il centri interdipartimentâl pal plurilinguisim, e à inmaneât une cunvigne su scuele e publiche aministrazion.
Lait a lei chi dut il program.

Viodint i clârs di lune che si presentin, plui che di complean, chest aniversari mi sa di requiem...

Conciert di Nadâl

Ve ca il volantin dal tradizionâl conciert di Nadâl fat de corâl di Maian. Apontament par sabide ai 12 di Dicembar in Glesie a Maian a lis 20.45.
Di no pierdi!

Piçul cu la fiere

E dopo cualchi zornade di cidin, ve chi che o torni a postâ, ma par une notizie no tant biele: il piçul Gioele al è plen di fiere e ancje sô mari no scherce.
Sù sù che ca di cualchi zornade o vin di fâ fieste!

Sandri di Suald sul Gazzettino

Mi à plasût la interviste di Sandri di Suald sul Gazzettino: us consei di lâ a leile ancje voaltris se no lu vês za fat, fracait chi.

La infrastruture che e covente di plui

Sabide e je vignude fûr La Vita Cattolica, setemanâl diocesan di Udin diret di Ezio Gosgnach.
Il so editoriâl al tache cussì:
"Lu à dit e fat capî plui voltis il president de Regjon, Renzo Tondo; lu à confermât a claris letaris l'assessôr a la Culture, Roberto Molinaro, intun incuintri resint su la metude in vore de leç di tutele: la valorizazion de lenghe furlane no je tra lis prioritâts de atuâl Zonte dal Friûl-Vignesie Julie. Massime in timps di ristretecis economichis. Par tant, te finanziarie pal 2010, li za scjarsis risorsis pe lenghe furlane a varan un tai dal 20%". [...]

Continuait a lei l'editoriâl di Ezio Gosgnach sul blog di Simone.